I giuvanuìi e li vecchi
Ehi dicu a tia
Tu chi ti senti nu grandi malandrinu
E vò mu ti salutanu puru li petri
Aspetta ccà nu pocu e parra cu mmia
Sentimi nu pocu
E no pensari cà chiu chi ti dicu eni n’offesa
Ma sugnu stanca mu sentu in giru ca simu
Na massa d’ignoranti e delinquenti
Facimunci vidimi inveci a tutti quanti
Cà a nnui l’intelligenza non di manca
Cà pà tropa intelligenza avimu a testa tosta
E no pì l’ignoranza
O malandrinu caru sa chi ti dicu?
Facimu di sta terra chi jè na reggia na fortezza
Facimula juriri di sordi e di bellezza
E no china ì paura di sangu e di pistoli
Duvi sulu tu t’assetti ù mangi
Ed io mu mor’ì fami
Raggiuna malandrinu testa tosta
Raggiuna bbonu c’à testa l’hai
E vidi comu cangiarla sta terra
Chi ieni a mia e puru a toi
Si non vò mu fai pi tia
Fallu pi sta terra duci e pe fijji toi
I giuvanuìi e li vecchi
Camina chianu e fermati davanti a chia panchina
Duvi li vecchi stanno alu suli
Assettiti c ù diji e no fujiri
E senti cu li ricchi
Chiu chi diciunu si vò mu m’pari
E l’ italianu u sa parrari
No sbagli verbu è veru
Ma di la vita pratica tu no capisci nenti
Senti e m’para fijjiu miu
Ca sulu cu la pinna tu no servi a nenti
M’para di li vecchi lu rispettu
E mu camini subb’à retta via
Guardaci l’occhi e li mani
Si vò ù capisci chi jè a vita
E né guardari cu disprezzu e mu nc’arridi
Picchì domani n’cunu arridi pì ttia
Salutili cù grazia e cù rispettu
E vidi ca diventi n’ omu domani
Mugghieri e parità
Cara mugghieri mia mò mi stancai
Mu sentu notti e jornu leggi e decreti
Ancora io no capiscivi chiu chi và cercandu
Qual è la leggi a chi ancora voi
Tu m’acconzasti cu lu faddali
Eppuru mu cucinu u minestroni
E mentri io ti cacciu à pur varata
Indisturbata tu ti leji u giornali
Chi jjè sta parità io di domandu
E disperatu io mi guardu o’ specchiu e parru sulu
Chi jivi u fazzu io, focu mio
Com’era bellu ù tempu i ‘ giuvineiu
Quand’a mammiceia mia
M’annacava tuttu!
CARMELA A PEPPININNA
Tuttu u paisi a saluta e ad ia s’inchina
Chiamandola “reggina”
Ed ia contenta arridi
Tutti si votanu, puru li straneri a lu passari soi meravigghiati
Subba a sti basuli di petra antichi,
i pedi soi parunu ali i farfalla
canusci a tutti e a tutti arridi,
na bambula di pezza
pari a prima vista
ma a’ n’nelligenza e a furbizia soi
n’di caccia i’ scarpi.
Si ci sarria nu premiu i dari a stu paisi
Non ci sarria rivali,
na bambula di’ pezza chi vali cchiu’ di l’oru
o carmeleia duci
quanti cosi a nnui amu d’ndi m’pari.
|
|
|
|
|
